Fillojnë xhirimet e filmit "Shpresa e Humbur" edhe në Bujanoc

Në  fshatin  Maltërnoc  të Bujanocit  filloi kllapa e parë e filmit “Shpresa e Humbur” ku ishin të inkuadruar aktorë nga Kosova e  Maqedonia, por që jetojnë në vende të ndryshme të evropës si në Austri, Suedi, Zvicër, Belgjikë  etj.

Sipas Regjisorit-Skenaristit të filmit Valton Jakupi xhirimet e filmit janë duke shkuar  sipas planit dhe falemderon  shume castin e aktorëve të inkuadruar në Bujanoc si Blerim Hasanin, Begzad Abdullahu, Njomza Ibrahimi, Barbara Heim, Osman Tahiri, Xheneta Saliu, Djellza Abdullahu, Albin Beka, Fatmir Selimi, Rijad Demiri dhe Imamin e Maltërnocit  Ibrahim Demiri.

Po ashtu në ndihmë të regjisorit Valton Jakupit ishte edhe profesori njëherit piktori Xhevdet Dulaj që u përkujdes për grimin e aktorëve.

Stafi i aktorëve ka falënderuar fshatarët e Mal Ternocit për mikpritjen bujare që treguan ndaj gjithë stafit ndërsa për xhirimet në komunën e Bujanocit është angazhuar produksioni filmik “Evolution” me producent Jeton Ismailin.